وثيقة نادرة تكشف رأي حبيبة العندليب في إشاعة زواجه: “الشهرة خلت ناس تستغل اسمك”

كشفت أسرة الفنان الراحل عبد الحليم حافظ عن وثيقة نادرة عبارة عن جواب مكتوب بخط يد السيدة التي ارتبط اسمها بالعندليب، وادعى البعض أنها كانت زوجته.

الوثيقة أظهرت رأيًا شخصيًا واضحًا في الإشاعة المتداولة منذ عقود، وجاء فيها: “عدّى على وفاتك يا حليم قرابة نص قرن، ولسه الناس بتسأل: هل فعلاً اتجوزت ولا دي كانت إشاعة؟”

وتابعت كاتبة الجواب: “يا حليم، أنت أعظم من غنى للحب، وده كان نابع من حرمانك منه، من أول لحظة اتحرمت فيها من حب الأم يوم ولادتك، لحد ما حرمتك الحياة من حب الزوجة والأولاد. ناس كتير بتحب تتشهر، وخصوصًا لما أضواء الشهرة تضعف، فيرجعوا يذكروك علشان يسلطوا الضوء على نفسهم من تاني.”

وأشارت إلى أن الإشاعات طاردته حتى أثناء حياته، قائلة: “قالوا إنك بتمثل المرض علشان تكسب تعاطف الجمهور، وإن حتى النزيف اللي حصل لك على المسرح كان تمثيل.

ولما سافرت للعلاج، خرجت إشاعة إنك مش مريض وإنك بتلف العالم، لكن رجعت لمصر في تابوت، وأسكتت كل الألسنة.”

وختمت الجواب بتعليق عن إشاعة الزواج: “الإشاعة دي ظهرت بعد وفاتك بـ17 سنة، وطلعت من ناس المفروض إنهم كانوا أصدقاؤك، واستمرت الإشاعة من غير أي دليل.

كنت دايمًا بتمنى ألاقي مستند يثبت كذبها وينهي الجدل ده للأبد.”