ملك زاهر تفاجئ جمهورها باعتراف مؤلم: “نعم، أنا تعبانة

شاركت الفنانة ملك أحمد زاهر متابعيها عبر خاصية “الاستوري” على حسابها الرسمي بموقع إنستجرام، تفاصيل تعرضها لوعكة صحية مفاجئة استدعت تواجدها بالمستشفى خلال الأيام الأخيرة، لتكشف جانبًا إنسانيًا بعيدًا عن الأضواء والابتسامات المعتادة.

بدأت ملك رسالتها بقولها:”عمري ما بنزل غير الحاجات اللذيذة أو الهزار أو أي حاجة إيجابية، ولما كنت بنزل حاجة سلبية كانت بتبقى من وراها هدف، وغالبًا باخدها بهزار بيني وبين صحابي”.

ملك زاهر 

لكن هذه المرة، قررت الفنانة الشابة الخروج عن هذه القاعدة، ومشاركة جمهورها بما تمر به قائلة:”بقالي 3 أيام تعبانة جدًا، وعندي حاجة لحد دلوقتي مش فاهمين سببها، وجت فجأة، ونفسيتي حقيقي وحشة أوي، ومش قادرة أنزل أو حد يشوفني باللي أنا فيه ده”.

ملك زاهر تحدثت بصراحة عن الصورة الخادعة التي يمكن أن تنقلها مواقع التواصل الاجتماعي، حيث قالت:”الناس بقت تبص على أتفه الحاجات اللي بتبسطني، زي خروجة أو صورة في الجيم أو لو لبست فستان حلو في إيفينت… لكن مافيش حد يعرف إيه اللي ورا الصورة دي”.

وأكدت أنها لا تبحث عن إثارة القلق بل على العكس، فقط أرادت أن تشارك جمهورها جزءًا من واقعها كما هو، قائلة:”أنا بحب أشارك الحلو دايمًا، بس يمكن ده غلط… وقررت أشارك الوحش كمان، عشان الناس تعرف إن حياتنا فيها اللي يوجع زي أي حد تاني”

وفي ختام حديثها، طلبت ملك من جمهورها ألا يحكموا على الأشخاص من صورهم أو ظهورهم عبر المنصات الرقمية، وأضافت:”السوشيال ميديا بتورينا بس يمكن 20% من حياة أي شخص… الباقي إحنا مش شايفينه، فلا تحكموا ولا تقارنوا”.

وختمت قائلة:”ادعولي أعدي المرحلة دي بسرعة، وإن شاء الله خير، وأنا كويسة ومفيش حاجة مقلقة، بس محتاجة أكون حقيقية وأشارككم الضعف زى ما بشارككم القوة”.