“مش وردي”.. ملك أحمد زاهر تكشف عن أزمتها الصحية المفاجئة

تعرضت الفنانة ملك أحمد زاهر لأزمة صحية مفاجئة، استدعت نقلها إلى أحد المستشفيات الخاصة لتلقي العلاج اللازم. وكشفت الفنانة عن حالتها عبر خاصية “ستوري” على حسابها الشخصي بموقع “إنستجرام”، حيث نشرت صورة من داخل المستشفى مرفقة بتعليق شخصي.

وعلقت زاهر على الصورة قائلة: “أنا عمري ما كنت بنزل غير الحاجات اللذيذة أو الهزار أو أي حاجة إيجابية من الآخر، ولما كنت بحب أنزل حاجة سلبية كنت باخدها بهزار أو بنزلها لصحابي المقربين”. وأضافت: “بس بجد حاسة إن الفترة الأخيرة بيجيلي تعليقات كلها ‘ما أنتي عايشة ومبسوطة وإحنا مش عايشين’، وحاسة إن في ناس بتركز على أتفه الحاجات اللي ممكن تكون عندي”.

وتابعت الفنانة كلامها موضحة طبيعة الأزمة الصحية التي تمر بها: “بقالي 3 أيام تعبانة شوية، وعندي حاجة لحد دلوقتي مش فاهمين سببها، وجت فجأة وفي حوالي نص ساعة قبلها كنت زي الفل”. وأردفت: “من ساعتها مش عارفة أنزل أو حد يشوفني باللي أنا فيه دا، ونفسيتي وحشة أوي”.

وأكدت ملك أنها تشارك هذه التفاصيل لتوضح أن حياتها ليست مثالية، قائلة: “بحكي الكلام دا علشان تعرفوا أن حياتي فيها الحلو والوحش زي أي حد.. بس أنا بحب دايما أشير الحلو، وغالبا دا غلط فقررت أشارككم كمان الوحش”. كما طالبت جمهورها بعدم الحكم على الأشخاص من خلال ما يظهر على وسائل التواصل الاجتماعي، موضحة أن هذه المنصات تعكس فقط 20% من الواقع.

واختتمت منشورها بتطمين متابعيها: “الهدف من الستوري دي مش إن أي حد يقلق، الحمدلله أنا كويسة.. وإن شاء الله اللي عندي ده لي حل، وأنا تمام مافيش حاجة مقلقة”.