افضل الاماكن والانشطة في دهب لا تفوت تجربتها وقائمة بافضل المطاعم والكافيهات في دهب ذات اطلالات جذابة

محرر 4
السياحة في سيناء
6 أبريل 2021آخر تحديث : منذ أسبوعين
34274497 1039305172900648 736750125791051776 o - وكالة سيناء نيوز

دهب مكان مفيش زيه في العالم من اجمل بقاع جنوب سيناء

اجمل حاجه في دهب ان متعتها مش في فنادق خمس نجوم تقعد فيها ، دهب متعتها في الكامب والكوخ والقعده على شط اللاجونا بالليل .

النهارده هنتكلم معاكم على مدينة دهب و نرشح لكم احسن اماكن الخروج والكافيهات والمطاعم  وايه الاماكن اللى ممكن تروحها في دهب اللى هتخلى رحلتك ماتتنسيش طول العمر ودة من خلال 3 اجزاء

اولا : اماكن الخروج والسهر في دهب وافضل الانشطة والرحلات اللى ممكن تعملها هناك

  1. البلو هول  من احسن الاماكن اللى ممكن تروحها في دهب وتعمل فيها سنوركلينج لانها فعلا مصنفة عالميا بالشعب المرجانية
  2.  محمية ابو جالوم بلو لاجون و دى رحله باللانشات بتطلع من البلو هول بتوصل أبو جالوم بتقعد في كامبات على البحر هناك ، بتنزل تعمل السنوركلنج هناك وفعلا فيها اجمل الشعب المرجانيه اللى ممكن تشوفها في حياتك عشان كدا اسمها ( محمية )
  3. جبل الطويلات دي بقى منطقة تروحها مع حبيبتك أو صحابك ومن اجمل اماكن السهر في دهب تقدر تعمل سهرة بدوية وتتعشى هناك وكمان بيبقى فى حفله D.J و Fire Show وتنورة وحفله جامده جدا وتعيش احلى السهرات اللي في دهب
  4. الثري بولز 3Pools دي بقى خروجه عظيمة عبارة عن حمامات سباحة طبيعية من مية البحر اتعملت من الشعب المرجانية، تنزل فيها وتنسى كل مشاكلك في الحياة الماية هناك عظيمة وتعمل احلى سنوركلينج و دايفنج هناك
  5.  وادى جنى دي منطقة رحلات سفاري هتقعد وسط الصحراء، قريبة من جبل الطويلات، والمكان كمان ممتع جدًا.
  6. سفارى الــ Beach Buggy احلى رحله سفارى ممكن تعملها بتبقى فى وادى جنى بتبقى من ساعه لساعه ونص مع احلى شاى بدوى بتشربوه في الواحه
  7. منطقة الكيفز هناك هتعمل سنوركلينج وتدخل تشوف الكهوف اللي تحت الشط ومليانة عدد كبير من الأسماك المتنوعة والشعب المرجانية وحاجة اخر جمال .
  8. شاطئ اللاجونا  شاطئ رملي تشوي على البحر بليل وتنام لحد الشروق
  9. اللايت هاوس شاطئ في قلب البلد مليان كافيهات وتعمل تان وتستمتع بجمال وسحر البلد وقدامك جبال السعودية
  10. الممشى السياحى في دهب وده هتلاقى فيه احلى كافيهات على البحر واحلى مطاعم واحلى شغل HandMade واحلى صور ممكن تتصورها في حياتك
26171849 1787311458009773 3404966434855043966 o - وكالة سيناء نيوز52547335 2781419078551167 732065166874640384 n - وكالة سيناء نيوز52602559 2781413798551695 6856785975188652032 n - وكالة سيناء نيوز52929877 2781413945218347 7496621787443101696 n - وكالة سيناء نيوز

ثانيا:  احلي المطاعم الموجودة في دهب

تعالو بقا نشوف مطاعم دهب

  1. مطعم King Chicken :- ودا احسن مطعم مشويات في دهب هو مشكلته الوحيده انه قعدته في الشارع بس اكله حلو جدا واسعاره معقولة مش غالية اوى
  2. مطعم Yum Yum :- دا مينفعش تبقى ف دهب ومتفطرش هناك ، عنده احلى فول وطعمية وبطاطس وكل الاكلات الشعبيه
  3. مطعم Nemo :- من احلى المطاعم الموجوده ع البحر في دهب بيعمل مشويات ، بيتزا ، سي فود ، وكل حاجه
  4. مطعم عروس البحر :- لو عاوز تاكل سمك يبقى اطلع علي هناك
  5. مطعم قشطه وعسل :- من احسن الاماكن الى ممكن تاكل عندها حلويات
53062436 2343753849052280 4866423114323460096 n - وكالة سيناء نيوز53510691 2343753912385607 5625186364845719552 n - وكالة سيناء نيوز26805307 1980945248601708 2930186682948219020 n - وكالة سيناء نيوز

ثالثا : أفضل الكافيهات والاماكن اللى ممكن تاخد عندها احلى صور في دهب

  1. كافيه EveryDay والمرجيحه
  2. كافيه Same Same
  3. البيت النوبي
  4. كافيه بيانولا
  5. كافيه الخان
  6. باب الحياه
  7. Why Not

دهب

كافيهات دهب

كافيهات دهب

كافيهات دهب

دى تقريبا اهم الاماكن اللى مينفعش تروح دهب وماتروحهاش ،  دهب مش مجرد مكان بنروحه مرة ولا بنعدي عليها من شرم الشيخ وخلاص دى فعلا بيتك التانى اللى لازم تروحه باستمرار

كلمات دليلية
رابط مختصر