تسجيل الدخول

البطل تايسون .. قصة مقاتل لقنه مسني الشهادة وكتب الله له الحياة

2020-07-08T12:05:25+03:00
2020-07-08T12:05:26+03:00
أخبار سيناءأيقونات سيناوية
8 يوليو 2020آخر تحديث : منذ شهر واحد
 علي محمد - وكالة سيناء نيوز

البطل “محمد علي محمد الشهير” بـ”تايسون” واحد من أبطال ملحمة البرث اللي يستحق إن قصة بطولته تتعرف للكل..

“تايسون” من مواليد قرية “القارة” مركز أبوتشت محافظة قنا.. دخل الجيش سنة 2016، وقضى سنة مع الشهيد العقيد “رامي حسنين” وبعد إستشهاده بدأت رحلته مع العقيد أركان حرب “أحمد المنسي” قائد الكتيبة 103..

حضر تحت قيادة المقدم “منسي” حضر معاه مداهمات وعمليات إقتحام على البؤر الإرهابية، وبعدها انتقل معاه للبرث في 3 رمضان سنة 2017، ويوم المعركة بدأ الهجوم أثناء تبديل الورديات بينه وبين زمايله، وبدأ الهجوم أثناء خدمته فوق سطح المبنى مع زمايله “خالد السفاح” و”أحمد نجم”، وبدأ الاشتباك..

دافع باستماتة عن زمايله لغاية ما أصيب إصابة صعبة فمحسش بنفسه غير والشهيد “المنسي” بيشده من تحت الأنقاض وبيقول له: (اتشاهد يا تايسون اتشاهد).. بعدها حاول “تايسون” يزحف عشان ياخد سلاح تاني فأصيب بطلقتين فى الكتف وفقد وعيه بشكل كامل..

رجع “تايسون” لوعيه بعد تحويله لمستشفى العريش اللي قضى فيها فترة العلاج، ولما رجع حاول يرجع ينضم تاني للجيش 4 مرات متتالية لكن الموضوع توقف بسبب تأثره بالإصابات اللى تعرض لها فى معركة البرث.. ربنا يديك الصحة يا “تايسون” يا بطل ويبارك فى عمرك..

الفنان “كريم محجوب” هو اللي جسد شخصية البطل “تايسون” فى مسلسل “الاختيار”..

عاشت مصر، ورحم الله الأبطال والشهداء.

رابط مختصر