البطل خالد السفاح .. صاحب صيحة حرس سلاح في ملحمة البرث
جندى مقاتل “خالد علي محمد موسى” الشهير بـ”خالد السفاح” ابن محافظة سوهاج هو واحد من أبطال ملحمة البرث.. كان أقدم عسكري في الكتيبة 103 وليه سمعة طيبة بين زمايله.. خدم فى الكتيبة تحت قيادة الشهيد “رامي حسنين” وبعده الشهيد “أحمد منسي”..
هو أول واحد بلغ وقال “حرس سلاح”.. مع شدة الهجوم وتزايد عدد الشهداء صرخ “خالد” وهو بيكلم الشهيد “منسي” وقال: (إحنا إتغدر بينا يا فندم).. “منسي” ضحك وقال له: (خلاص يا خالد اللى بيعرف يعمل حاجة دلوقتي ييعملها ويواجه).. استمر “خالد” في القتال لآخر لحظة، ودافع عن زمايله الشهداء للنهاية وربنا كتب له النجاة..
رجع “خالد” عشان يكمل خدمته فى الكتيبة مع القائد الجديد بعد إستشهاد “منسي”، ولما خلص خدمته العسكرية دور على مهنة مناسبة يكسب منها رزق يومه بدون ما يدعي البطولة ولا ينتظر تكريمات ولا يسعي للشهرة رغم إنه بطل حقيقي يستحق نفضل فاكرينه ونشكره على وطنيته وجدعنته.. ربنا يديله الصحة، ويبارك فى عمره..
الفنان “محمد عز” هو اللي جسد شخصية البطل “خالد السفاح” فى مسلسل “الاختيار”..
عاشت مصر، ورحم الله الأبطال الشهداء.
