تسجيل الدخول

البطل محمد السباعي .. المقاتل الذي حارب التكفيريين بيد واحدة

2020-07-08T12:29:19+03:00
2020-07-08T12:29:20+03:00
أخبار سيناءأيقونات سيناوية
8 يوليو 2020آخر تحديث : منذ شهر واحد
 سباعي - وكالة سيناء نيوز

ملازم أول مقاتل “محمد طلعت السباعي” من مواليد محافظة الشرقية.. اتخرج في يوليو ٢٠١٤ واستلم شغله في العريش فى شمال سيناء في الكتيبة ١٠٣ صاعقة.. كان تلميذ القائد الشهيد “رامي حسنين” واتعلم منه فنون ومهارات القتال، ومن بعده اتعلم على إيد المقدم “أحمد المنسي” اللي خلف “رامي” في قيادة الكتيبة..

أصيب “سباعي” في كمين البرث مع الشهيد “منسي”.. في وقت المعركة كان “سباعي” بيمر علي أفراد الكمين عشان يتأكد من جاهزيتهم، ولما جت للقوات بتاعتنا إشارات إن التكفريين بيقربوا كان “السباعي” وباقي الأبطال فى حالة إنتباه وإستعداد لمواجهتهم..

التكفريين كان عددهم من 150 لـ 200 إرهابي.. فضل الأبطال يحافظوا ويدافعوا عن الكتيبة بتاعتهم.. واحد من الأبطال دول كان “سباعي” اللى أصيب بطلقات وشظايا لدرجة إن شرايين كف إيده إنفصلت عن صوابعه فشال السلاح بالإيد التانية وطلع وهو بحالته دى على السلم اللى بيؤدى للدور اللى فوق عشان يكمل ضرب فى الإرهابيين ويمنعهم يوصلوا لجثث الشهداء زمايله فى الكتيبة اللى فى الدور اللى فوق وبمنتهي الشراسة كان بيلقي عليهم قنابل بغزارة رغم إنه فى اللحظة دي برضه كان أصيب بتهتك فى الأذن ونزيف مستمر بس فضل مكمل لحد ما وصلت قوات الدعم.. ربنا يديله الصحة ويبارك فى عمره..

الفنان “رامز أمير” هو اللي جسد شخصية البطل “محمد السباعي” فى مسلسل “الاختيار”..

عاشت مصر، ورحم الله الأبطال الشهداء.

رابط مختصر