تسجيل الدخول

الشهيد خالد مغربي .. بطل لا يهاب الموت

Agency Admin
أخبار سيناءأيقونات سيناوية
8 يوليو 2020آخر تحديث : منذ 5 أشهر
 مغربي دبابة - وكالة سيناء نيوز

لو سمعت نشيد الصاعقة أكيد هتكون بتتردد فى ودانك جملة “خالد مغربي دبابة أسد وجنبه إحنا غلابة”.. الجملة اللى كانت بتختصر مشوار شهيد عظيم إسمه “خالد مغربي”..

اللي الشهيد نقيب “خالد محمد كمال المغربي” الشهير بـ “خالد دبابة”.. ابن مدينة طوخ فى محافظة القليوبية.. “خالد” اتولد في 5 ديسمبر 1992، ودخل الكلية الحربية سنة 2011 واتخرج منها في 22 يونيو 2014 دفعة 108 حربية كتيبه 83 صاعقة وتم إنضمامه لقوة الدعم في شمال سيناء.. التكفيريين هما اللى أطلقوا عليه لقب “دبابة” بسبب الهجمات الكتير اللي عملها ضدهم وخسّرهم فيها كتير لدرجة إنهم رصدوا مكافأة للي يدلهم عليه!..

في ليلة استشهاده خلص “خالد” صلاة الفجر جوه كتيبته وجهز معداته عشان كان بيستعد يسيب كتيبته، بناءًا على نشرة بانتقاله لقوات الصاعقة فى إسكندرية، وفي اللحظة دي جاله اتصال من واحد من ضباط كمين مربع البرث فى رفح بيبلغه بتعرض الكمين لهجوم إرهابي ففوراً وبسرعة شكّل قوة دعم، وخرجوا عشان ينقذوا زمايلهم..

قبل الوصول لموقع الاشتباكات بـ700 متر لمح “خالد” عربية جوه عشة من العشش على جنب الطريق، فبدأ يتعامل معاها فانفجرت، وكانت متجهزة بمتفجرات عشان تعطل وصول الدعم، وعلى بعد 400 متر أطلق القناصة الرصاص وقذائف آر بي جي على المدرعة، و”خالد” تصدي ليهم من جوه المدرعة، وقتل فعلاً عدد كبير منهم لكن الإرهابيين زقوا عربية فيها متفجرات من جنب الطريق عشان تصطدم بالمدرعة وتنفجر، ويستشهد “خالد”..

استشهاد “خالد” كان بعد 3 شهور من جوازه، وساب وراه زوجة حامل فى طفله الأول اللى ماشفهوش واللي بعد كده سموه “خالد” برضه إحياءًا لذكري والده اللى مصر كلها هتفضل فاكراه..

الفنان “محمد حمدي” جسد دور الشهيد “خالد مغربي” فى مسلسل “الاختيار”..

عاشت مصر، ورحم الله الأبطال الشهداء.

رابط مختصر