الشهيد علي .. بطل استشهد دفاعاً عن جثامين زملائه

إسم جديد لبطل جديد سمعناه فى نشيد الصاعقة فى الجملة اللي بتقول: (العسكري علي من الشجعان.. مات راجل وسط الفرسان).. إسم يستحق يتحفظ وبطولته تتعرف..

الشهيد “علي علي السيد” من قرية “الدغايدة” مركز الجمالية محافظة الدقهلية.. “علي” هو أصغر واحد فى إخواته، وكان بيشتغل فى “الجبس”.. أخد الشهادة الإبتدائية، ودخل الصاعقة قبل إستشهاده بـ سنة ونص..

يوم ملحمة البرث كان زي الوحش فى مواجهة التكفيريين.. جمع أجساد زمايله الشهداء بسبب الهجوم ووقف يحمي المكان اللي هما فيه عشان يمنع أى تكفيري يوصل لهم.. ضربه بعدد ضخم من الطلقات كان هو الطريق الوحيد قدام الخونة عشان يقتلوه، ويتخلصوا منه، ورغم كده فضل واقف قدامهم زي الأسد، وكمل ضرب فيهم حتى بعد إصاباته المتعددة لغاية إستشهاده.. بعد إستشهاده لقوا فى جسمه أكتر من 30 طلقة بيأكدوا على بطولة من نوع خاص قام بيها الشاب العظيم ده..