تسجيل الدخول

الشهيد محمد ماسة .. الشهيد الفنان

2020-07-08T12:36:57+03:00
2020-07-08T12:36:58+03:00
أخبار سيناءأيقونات سيناوية
8 يوليو 2020آخر تحديث : منذ شهر واحد
 ماسة - وكالة سيناء نيوز

الشهيد “محمد السيد إسماعيل رمضان” الشهير بـ “محمد ماسة” واحد من أبطال الكتيبة 103 صاعقة، وواحد من شهداء حادث كمين البرث.. من مواليد 6 نوفمبر 1996 مركز كفر الزيات محافظة الغربية.. اتخرج من معهد ضباط الصف قبل سنة من إستشهاده، وبمجرد تخرجه استلم خدمته فى سيناء وقضى فيها سنة..

كان معروف بين زمايله بصاحب الإبتسامة الجميلة ده غير موهبته فى الرسم والخط اللى لسه موجودة لغاية دلوقتي على حيطان الكتيبة 103 وبتشهد على موهبته..

في ليلة استشهاده اتصل بوالده يكلمه عن ترتيبات خطوبته لما ينزل الأجازة الجاية، وكان بدأ يعزم زمايله فى الكتيبة سواء عساكر أو ظباط بس القدر كان كاتبله الشهادة معاهم تاني يوم..

بعد إستشهاده والده إتكلم عن حب الجنود والضباط للشهيد “المنسي”، وقال: (كنت أقوله يا محمد هما الظباط بيقعدوا في التكييفات وسايبينكوا زي ما الناس بتقول؟.. كان يرد ويقولي مين بس اللي بيقولك الكلام ده.. ده المقدم منسي لما كنا نطلع مداهمة كان بيبقى قدامنا وقبلنا ويقولنا خليكوا ورايا علشان لو في عبوة تيجي فيه هو ومتجيش فينا.. يقول لنا أنا اتجوزت وشوفت ولادي إنما أنتوا لسه صغيرين)..

الفنان “أحمد الشاذلي” هو اللى جسد دور الشهيد “ماسة” فى مسلسل “الاختيار”..

عاشت مصر، ورحم الله الأبطال الشهداء.

كلمات دليلية
رابط مختصر