عمرو أديب غاضبًا بعد فوز الأهلي: مفيش فايدة.. لازم يكسب بأي شكل

علّق الإعلامي عمرو أديب على فوز النادي الأهلي على البنك الأهلي بنتيجة 2/1، ضمن مواجهات الدوري العام، خلال حلقته من برنامج “الحكاية” على قناة “MBC مصر”، وعبّر عن غضبه قائلاً: “حسبي الله ونعم الوكيل، أتحدى لو فيه أهلاوي كان متوقع إن الفريق هيكسب.

الدقيقة الزيادة فوق الوقت الضايع جت مخصوص علشان الأهلي يجيب الجون، وهو أسوأ فريق في الملعب النهاردة، لكن الكون والبشرية كلها عايزاه يكسب”.

وأضاف أديب: “كام مرة الأهلي جاب الجون في الدقيقة 90 بلس؟ فين العدل والمساواة؟ مصر كلها قالت جون فبقت جون، حاجة تنقط وتزهق وتخلي الواحد ميحبش الكورة تاني”.

وتابع: “نادي البنك الأهلي لعب كورة محترمة، لكن مفيش فايدة، الأهلي لازم يكسب.. ده فريق عنده حظ مش طبيعي، مفيش لا فنيات ولا تكتيك ولا مهارة، اللي حصل النهاردة سحر.. بجد سحر، ومش هقبل تفسير تاني”.

واستكمل: “الأهلي فريق لا يستحق الدوري، لكنه الفريق اللي الدوري بيروح له لوحده، وكل حاجة بتمشي علشانه. واللي بيشك في كده يبقى غلطان.. لازم يبقى عندك إيمان إن مفيش فايدة، زي ما سعد زغلول قالها في نفس السنة اللي طلع فيها النادي الأهلي”.