تسجيل الدخول

لست لوحدك ولن تكون أبداً

2020-09-20T05:13:23+03:00
2020-10-28T22:29:55+03:00
أقلام حرة
20 سبتمبر 2020آخر تحديث : منذ شهر واحد
مختار السيناوي
 السسي - وكالة سيناء نيوز
احنا مش بندعم شخص، إطلاقا، احنا بندعم مشروع..
مشروع بيقوده الرئيس عبد الفتاح السيسي، هدفه ترسيخ مفهوم الدولة القوية سياسيا واقتصاديا وعسكريا وأمنيا..
احنا بندعم مشروع قائده ماضحكش علينا، بالعكس، ده قال من البداية إننا في تحدي كلنا مع بعض، وهنتحمل كلنا مع بعض..
كان سهل جدا يمشي في سكة الرشاوي الاجتماعية، ويزود الدعم في الموازنة قصاد إن الناس تحبه أكتر وأكتر وشعبيته تزيد أكتر وأكتر، لكن كان الاقتصاد هيقع وكلنا هندفع التمن في المستقبل..
احنا بندعم مشروع بيقوده راجل إيده ممدودة لكل حد عنده فكرة حلوة، حتى لو كان طفل زي مهند اللي اقترح مادة “احترام الآخر”..
احنا بندعم مشروع فتح ملفات زي الصحة والتعليم لأول مرة بإصلاح جاد طويل المدى..
مشروع اهتم بالمرأة ومكانتها..
مشروع اهتم بذوي القدرات الخاصة..
مشروع اهتم بالمصريين في الخارج..
مشروع اهتم بالقرى الأكثر احتياجا..
مشروع نجح يقضي على العشوائيات غير الآمنة وشغال على العشوائيات غير المخططة..
مشروع قائده قال: بيعايرونا بفقرنا، بس أنا مش هسكت.. وصدق وماسكتش ولحد النهاردة كلنا شغالين علشان يبطلوا يعايرونا بفقرنا..
احنا بندعم إنسان عمره ما تلفظ بلفظ سيء رغم كل البذاءات اللي بيتعرض ليها من توافه..
سيادة الرئيس، لست وحدك، المصريين معاك، الشباب خصوصا معاك لإن المستقبل ده لينا.. لست وحدك، ولن تكون وحدك أبدا..
رابط مختصر