أعرب الفنان حماده هلال عن تقديره الشديد لأداء واختيارات الفنان كريم عبدالعزيز، مؤكدًا أنه نجمه المفضل، وأبدي إعجابه بمستوى صناعة مسلسل الحشاشين.
وقال في لقائه مع الإعلامية فاطمة مصطفى، في برنامج الراديو بيضحك: “شاهدت مسلسل الحشاشين، ومنذ مشاهدتي للبرومو كنت بقول شوفته يا جماعة إحنا عندنا إيه؟ الصورة عاملة ازاي والمخرج عامل ازاي”.
و أوضح :”كريم عبدالعزيز نجمي المفضل وبعشقه ويارب نعمل مسلسلات كتيرة زي كده”.
وعن مشاركته في برنامج “مقالب” و هل كان يعرف تفاصيل المقلب من عدمه، كشف الفنان حمادة هلال كواليس مشاركته في برنامج “رامز جاب من الآخر” الذي يعرض في موسم رمضان الحالي.
وقال : “روحت البرنامج قبلها ب 8 ساعات، جالي تليفون لازم تيجي لنا على دبي، فيه إيه؟ قالوا لي هتروح لرامز جلال.
و أضاف: “هما هناك بالأمانة مبيقولوش المقلب، وفيه ناس كتير مكنتش عاملة حسابها وأنا عرفت إن أحمد فهمي معايا والحلقة دي كانت آخر حلقة تتصور”.
و تابع: “لما شوفت الكلب مخفتش منه لأن كان عندنا ذئب في المداح، وفضلت واقف قدام الكلب عمومًا كانت حلقة حلوة أوي”.
و أكدّ: “رامز أروح له في أي مكان، أنا بروح استمتع معاه”.
