انتشرت في الاونة الأخيرة شائعات حول سحب رجل الأعمال نجيب ساويرس أستثماراته من مصر ، وذلك تمهيدا لهجرته خارج البلاد.
ونفى رجل الأعمال المهندس نجيب ساويرس، كل ما يشاع عن نقل استثماراته خارج مصر، قائلا: “كلام ملهوش أي أساس من الصحة، مقدرش في عمري ده أني أروح أعيش في حتة تانية”.
فرص استثمارية لنجيب ساويرس
وأضاف خلال مداخلة هاتفية ببرنامج “حضرة المواطن” الذي يقدمه الكاتب الصحفي سيد علي بقناة “الحدث اليوم”: “عندي كل الفرص اللي في الدنيا أني أروح أعيش في حتة تانية، ولكن أنا لا أشعر بوجودي وسعادتي وراحتي غير في بلدي، ولكن كون أن شركاتنا شركات عالمية وبتشتغل في كل أنحاء العالم دي حاجة تشرف مصر مش تضر مصر”
حساسية الوضع الاقتصادي
وتابع نجيب ساويرس: “لما كنت بشتغل في الجزائر وكوريا والعراق ودول أخرى محدش كان بيتكلم، ولكن دلوقتي علشان فيه حساسية وعندنا مشاكل فعلية ومش شايفين الحلول فين في الوضع الاقتصادي، ولسه محدش طلع قالنا هنعمل إيه في الوضع اللي احنا فيه وهنسدد الديون إزاي وهنعمل إيه في أزمة الدولار، وإيه التغيير اللي هيحصل دلوقتي”.
هدف نجيب ساويرس من الاستثمار خارج مصر
وأوضح: “احنا بنشتغل برة علشان نوفر فرص عمل لأولادنا خارج مصر وأولادنا ياخدوا مرتباتهم بالدولار ويحولوا دولاراتهم لمصر، واحنا أرباحنا بنحولها دايما هنا، هو لو شركة مصرية بقت عالمية يبقى غلط، فنادقنا ومصانعنا والجونة ومشاريعي كلها هنا وكل يوم بفتح مشروع، مفيش صحة لنقل استثماراتنا خارج مصر”.
نجيب ساويرس: محدش هيشكك في مشاعرنا ونهدي مهرجان الجونة هذا العام للفلسطينيين
من داخل طائرته الخاصة.. نجيب ساويرس يكشف عن حضور نجم عالمي حفل ختام مهرجان الجونة
أكبر مستثمر وطني داخل مصر
وأكمل: “ما زلنا أكبر مستثمر مصري في مصر على أساس حجم المشروعات والعمالة والضرائب اللي بندفعها، واللي عايز يرجع لوزارة المالية والتأمينات الاجتماعية، حجم العمالة تعدى 200 ألف وكل يوم بنفتح مشروع وبنوظف ناس، وكل المشكلات اللي في بلدنا وبتعطل برضو بنبلعها وبنكمل ومبنقفش، لأننا صعايدة وصعب أي حد يوقفنا”.
